მანუსკრიპტი - ბლოკნოტი შეზღუდული გამოცემა „თავისუფალი“

მანუსკრიპტის ლიმიტირებული გამოცემა „თავისუფალი“, სპეციალურად ენგრავერისთვის საქართველოს დამოუკიდებლობის დღესთან დაკავშირებით, მანუსკრიპტის და საქართველოს კალიგრაფთა ასოციაციის თანამშრომლობით შეიქმნა. სულ დამზადდა 26 ეგზემპლარი და მისი შეძენა ექსკლუზიურად ენგრავერის მაღაზიაში ან ვებ გვერდზეა შესაძლებელი. კალიგრაფიული ნამუშევარი, რომელიც დატანილია წიგნაკების ყდებზე, შესრულებულია ხელით, ქართველი კალიგრაფების დავით მაისურაძის და გიორგი სისაურის მიერ. კალიგრაფიული ნამუშევრების შესაქმნელად გამოყენებულია თეთრი მელანი, ხოლო ტყავის ყდის შემოსაკრავად და შიგთავსების სამაგრებად - წითელი რეზინები, რაც საქართველოს დროშის ფერებს გამოხატავს.

კომპლექტი მოიცავს:
ხელით, ქართული ტრადიციული მეთოდით, ცვილით დამუშავებულ ტყავის ყდას;
წიგნის კინძვის ტრადიციული მეთოდით შეკერილ წიგნაკს სუფთა ფურცლებით, რომლის ყდაზეც დატანილია ხელით შესრულებული კალიგრაფიული ნამუშევარი;
სტეპლერზე აკინძულ რვეულს სუფთა ფურცლებით;
მრავალფუნქციურ ყუთს შიგთავსების დასაარქივებლად;
წიგნაკის ყუაზე დასაკრავ ტექსტილის სტიკერს.