შენი პირველი ჭავლური კალამი!

რატომ არის კარგი ბავშვებისთვის ჭავლური კალმით და მელნით ქაღალდზე წერა?

ციფრულ ეპოქაში, როცა ბავშვები სულ უფრო ხშირად იყენებენ ეკრანებს, ხელით წერა მაინც რჩება მათი განვითარების ძალიან მნიშვნელოვან ნაწილად. სწორად შერჩეული საწერი საშუალებები: ჭავლური კალამი, ხარისხიანი მელანი და კარგი ქაღალდი — მნიშვნელოვნად ეხმარება ბავშვებს წერის სწავლაში.

1. სწორი ჭერა და ნაკლები დაღლა

ჭავლურ კალამს არ სჭირდება ძლიერი დაწოლა, როგორც ბურთულიან კალამს. ამის გამო ბავშვი სწავლობს კალმის მსუბუქად დაჭერას, არ ძაბავს თითებსა და ხელს და უფრო სწორ პოზაში წერს. ეს განსაკუთრებით მნიშვნელოვანია პატარა ასაკში, როცა წერის ჩვევები ყალიბდება.

2. უკეთესი კონტროლი და ლამაზი ხელწერა

ჭავლური კალმის წვერი ძალიან მგრძნობიარეა მოძრაობის მიმართ. ბავშვი მაშინვე ხედავს, როგორ მოქმედებს მისი ხელის მოძრაობა მელანზე. ეს კი ავითარებს მოტორიკას, აუმჯობესებს ასოების ფორმირებას და ხელს უწყობს თანაბარ და სუფთა ხელწერას.

3. ნელი ხელწერა = სწორად სწავლას

ჭავლური კალმით წერა ბავშვებს ბუნებრივად ანელებს. ეს კი დიდი პლიუსია, რადგან, ბავშვი ყურადღებას აქცევს თითოეულ ასოს, უმჯობესდება დაშორებები სიტყვებს შორის, ყალიბდება სწორი კუნთოვანი მეხსიერება. სწორი ხელწერა სისწრაფეზე კი არა, სიზუსტეზეა დამოკიდებული.

4. მელნის როლი

ჭავლური კალმის მელანი გლუვად მიედინება ქაღალდზე და წერის პროცესს სასიამოვნოს ხდის. ბავშვებისთვის ეს ნიშნავს ნაკლებ გაღიზიანებას და მეტ მოტივაციას. ცალკეულად მელანი კი წყლის ბაზაზეა დამზადებული, ადვილად ჩამოსარეცხია და უსაფრთხოცაა.

5. რატომ არის მნიშვნელოვანი კარგი ქაღალდი

კარგი ხარისხის ქაღალდი აუცილებელია რათა, მელანი არ გაიშალოს, წერის პრიცესი იყოს სუფთა და მკაფიო, კალამმა სწორად იმუშაოს.

როცა კალამი, მელანი და ქაღალდი ერთმანეთთან „თანხმობაშია“, ბავშვი მთლიანად წერაზე კონცენტრირდება.

6. პასუხისმგებლობისა და მოტივაციის ზრდა

ჭავლური კალამი ბავშვებისთვის ხშირად „განსაკუთრებულ“ ნივთად აღიქმება. ეს:

1. ზრდის პასუხისმგებლობის გრძნობას
2. აძლიერებს ინტერესს წერის მიმართ
3. ეხმარება ბავშვს საკუთარი ნამუშევრით იამაყოს

მოკლედ რომ გითხრათ ამ ყველაფერის დასკვნა ის არის რომ, ჭავლური კალამი, კარგი მელანი და ხარისხიანი ქაღალდი უბრალოდ ძველი ტრადიცია არ არის. ეს არის ეფექტური გზა, რომ ბავშვებმა:

1. სწორად ისწავლონ წერა
2. არ გადაიღალონ
3. განავითარონ ლამაზი და ჯანმრთელი ხელწერა

სწორი საწერი საშუალებები ბავშვის სწავლას უფრო მშვიდს, სასიამოვნოს და შედეგიანს ხდის.