Monteverde-ს ახალი მოდელი MP1

ვერასდროს ვიფიქრებდი, რომ უბრალო კალამი ასე ძალიან მომეწონებოდა. ბევრი კალამი მქონია და მაქვს. ზოგს დიზაინი აქვს კარგი, ზოგს წონა… მაგრამ MP1-ში თითქოს ყველაფერი იდეალურია.

რამდენიმე კვირის წინ ახალ კოლექციას ჩამოყვა Monteverde-ს MP1 ჭავლური კალამი. პირველად რომ ხელში ავიღე, მაშინვე მივხვდი რომ რაღაც საინტერესოსთან მქონდა საქმე.

დიზაინი: მარტივი

MP1 ვიზუალურად ძალიან მინიმალისტურია. არანაირი ზედმეტი დეტალი ყველაფერი მარტივი და დახვეწილი. გამჭვირვალე კორპუსი ძალიან მომხიბვლელს ხდის მას, როდესაც ფერადი მელანი იჭვრიტება შიგნიდან.

არც ძალიან მძიმეა, არც ბუმბულივით მსუბუქი, იდეალური ბალანსი აქვს. მეტიც, ხელში ისე თავსდება, თითქოს სპეციალურად ჩემთვის დაამზადეს.

წერის გამოცდილება – მგონია, რომ თავისით წერს!

არც ძალიან რბილი და არც ძალიან უხეში არ არის, წერისას ისე სრიალებს ქაღალდზე, თითქოს ჰაერზე ვწერ. ძალიან მომეწონა ის ფაქტი, რომ ხაზს თანაბრად ავლებს, არც "წყვეტის" მომენტები აქვს. მოკლედ, როცა წერ, მხოლოდ ფიქრსა და სიტყვებზე ხარ კონცენტრირებული, კალამი კი თავის საქმეს ჩუმად და ეფექტურად ასრულებს.

რომ შევაჯამო, მონტევერდე-ს ნამდვილად გამოუვიდა ის ჩანაფიქრი რაც მის პირველ დგუშის სიტემით ჭავლურ კალამთან დაკავშირებით ქონდა!

ავტორი: სანდრო კვიციანი