მანუსკრიპტი - "თავისუფალი"
დამოუკიდებლობის დღისადმი მიძღვნილი ექსკლუზიური სერია „თავისუფალი“
გილოცავთ საქართველოს დამოუკიდებლობის დღეს!
26 მაისი ჩვენი ქვეყნის თავისუფლების, ერთიანობისა და ეროვნული სულის განსაკუთრებული დღეა. სწორედ ამ უმნიშვნელოვანეს თარიღს განსაკუთრებული პროექტით ვუერთდებით და დიდი სიხარულით წარმოგიდგენთ ექსკლუზიურ გამოცემას - „თავისუფალი“.
პროექტი აერთიანებს ქართული პრემიუმ კლასის ბლოკნოტების ბრენდს „მანუსკრიპტს“, საქართველოს კალიგრაფთა ასოციაციასა და პრემიუმ კლასის საწერი ინსტრუმენტების პირველ ბუტიკს საქართველოში „ენგრავერს“.
შედეგად შეიქმნა უნიკალური, შეზღუდული გამოცემა, მხოლოდ 26 ეგზემპლარი.
სერიის თითოეულ წიგნაკზე დატანილია განსაკუთრებული კალიგრაფიული ნამუშევარი, რომელიც შესრულებულია ქართველი კალიგრაფების: დავით მაისურაძისა და გიორგი სისაურის მიერ.
კოლექცია „თავისუფალი“ არის დამოუკიდებლობის სიმბოლო, რომელიც ნათლად გამოხატავს სურვილს, ემოციას რომელიც თითოეულ ჩვენგანშია.
ამ უნიკალური გამოცემის შეძენა ექსკლუზიურად შესაძლებელია მხოლოდ ჩვენთან.
ჩვენი გუნდის სახელით გვინდა დიდი მადლობა გადავუხადოთ მანუსკრიპტის და საქართველოს კალიგრაფთა ასოციაციის გუნდს!