გზა, იდეიდან საწერი ინსტრუმენტების პირველ ბუტიკამდე.

ჩვენი ბუტიკი Axis Towers-ში

2026 წლის 11 მაისი ჩვენთვის განსაკუთრებული დღე გახდა, სწორედ ამ დღეს, აქსის თაუერსის სავაჭრო ცენტრში ENGRAVER-ის რიგით მეორე ფილიალი და ამავე დროს საქართველოში საწერი ინსტრუმენტების პირველი ბუტიკი გაიხსნა.
ეს უბრალოდ ახალი სივრცე არ არის, არამედ წლების განმავლობაში დაგროვილი სიყვარულის, ემოციების, გამოცდილებისა და იდეის ახალი ეტაპია.

მოგიყვებით თუ როგორ დაიწყო ყველაფერი. ENGRAVER 2018 წელს შეიქმნა, ერთი ძალიან უბრალო, მაგრამ ჩვენთვის მნიშვნელოვანი იდეით გვინდოდა ადამიანებისთვის ხელით წერის სიყვარული დაგვებრუნებინა.
ციფრულ ეპოქაში, როდესაც ყველაფერი ეკრანზე ინაცვლებდა, ჩვენ გვჯეროდა, რომ ხელით დაწერილ სიტყვას განსაკუთრებული ძალა და ემოცია ჰქონდა. სწორედ ამიტომ, თავიდანვე ჩვენი მთავარი სურვილი იყო მომხმარებლისთვის შეგვეთავაზებინა არა უბრალოდ პროდუქტი, არამედ გამოცდილება, ნივთი, რომელსაც პირადი მნიშვნელობა ექნებოდა.
სახელი ENGRAVER ლათინური სიტყვიდან მოდის და გრავირების შემსრულებელს ნიშნავს. ეს სახელიც ზუსტად გამოხატავდა ჩვენს ჩანაფიქრს მომხმარებლისთვის მის მიერ შერჩეულ კალამზე ან აქსესუარზე შეგვეთავაზებინა მომენტალური გრავირება. სიტყვა, ინიციალი, მნიშვნელოვანი თარიღი, მოკლე ფრაზა ან თუნდაც ლოგო, თითოეული გრავირება ნივთს უნიკალურ ხასიათს სძენდა და მას უბრალო აქსესუარიდან ემოციურ სიმბოლოდ აქცევდა.

დროთა განმავლობაში მივხვდი, რომ საწერი ინსტრუმენტების სიყვარული მხოლოდ ჩემი პირადი გატაცება არ ყოფილა. აღმოვაჩინე ადამიანები, რომლებიც ისეთივე სიყვარულითა და ინტერესით ეკიდებიან კალმებს, მელანს, ქაღალდს და ხელით წერას, როგორც მე. სწორედ ეს ადამიანები გახდნენ ჩვენი მთავარი მოტივაცია. ყოველი შეხვედრა, თითოეული საუბარი, გაზიარებული ემოცია და გამოცდილება კიდევ უფრო გვარწმუნებდა, რომ ENGRAVER მხოლოდ მაღაზია არ იყო, ის ნელ-ნელა იქცა სივრცედ, სადაც ერთნაირი ინტერესების მქონე ადამიანები ერთიანდებოდნენ.
დღეს, როდესაც უკან ვიყურებით, ნათლად ვხედავთ რამდენად ემოციური, შრომატევადი და ამავე დროს საოცრად საინტერესო გზა გავიარეთ. ეს იყო გზა სირთულეებით, ახალი გამოცდილებებით, აღმოჩენებით და უამრავი ადამიანით, რომლებმაც ჩვენი იდეა საკუთარ სიყვარულად აქციეს. დღეს უკვე სიამაყით შეგვიძლია წარმოგიდგინოთ ენგრავერის პირველი საწერი ინსტრუმენტების ბუტიკი, სივრცე, რომელიც შეიქმნა მათთვის, ვისაც კალამი უბრალოდ ნივთად არ მიაჩნია.
ჩვენს ბუტიკში გაერთიანებულია მსოფლიოში ცნობილი და გამორჩეული ბრენდები, როგორებიცაა: Kaweco, Aurora, Visconti და სხვა. აქ ასევე დაგხვდებათ დიდი სიყვარულითა და განსაკუთრებული ყურადღებით შერჩეული აქსესუარები.

ჩვენთვის ENGRAVER მხოლოდ გაყიდვების წერტილი არასოდეს ყოფილა. ამიტომ ბუტიკში შევქმენით სპეციალური სივრცე, სადაც როგორც დამწყები, ასევე გამოცდილი ჭავლური კალმის მომხმარებლები შეძლებენ სხვადასხვა მოდელების დატესტვას, ახალი ემოციების აღმოჩენას და გამოცდილების გაზიარებას.
გვინდა, რომ ეს ადგილი გახდეს სივრცე ადამიანებისთვის, რომლებსაც ხელით წერა, კალმები და აქსესუარები უყვართ.

ჩვენთვის ყველაზე მნიშვნელოვანი ყოველთვის იყო ემოცია, რომელსაც მომხმარებელი თან წაიღებს, მნიშვნელობა არ აქვს შეიძენს თუ არა რაიმეს.
სწორედ ამიტომ, დღესაც გვჯერა, რომ თითოეულ კალამს შეუძლია ისტორიების შენახვა, მოგონებების გაცოცხლება და ადამიანებს შორის განსაკუთრებული კავშირის შექმნა.

გელოდებით ყველას, როგორც დამწყებებს, ისე გამოცდილ კოლექციონერებს.

ჩვენი ბუტიკის კარი და გულიც, ყველასთვის ღიაა.